Tafallako Suhiltzaileen Parke berria egiteko lanak martxan dira

12/09/2024

Inguruko 30.000 biztanleri baino gehiagori zerbitzua emango diena

Amparo López Barneko, Funtzio Publikoko eta Justiziako kontseilariak Tafallako suhiltzaileen eskualdeko parke berria eraikitzeko lanak hasi diren gunea bisitatu zuen. Nabarmendu zuenez, “instalazio horrek izaera estrategikoa du Nafarroa osoan larrialdiari aurre egiteko, bai geolokalizazioagatik, bai funtzionaltasunagatik, eta erreferentzia bat da komunitateko etorkizuneko parkeentzat”. Era berean, adierazi zuenez, “parke horrek inguruko 24 udalerri eta kontzejuetako 30.000 biztanleri baino gehiagori emango die zerbitzua”.

Lópezek adierazi zuenez, baliabide berriak 5,19 milioi euroko inbertsioa izango du eta obrak 18 hilabeteko iraupena izatea aurreikusten da. Baliabide berria Departamenduak larrialdiaren eremuan espazioak eta baliabideak berritzeko egindako apustuaren barruan kokatzen da. “Nafarroako Erdialdea larrialdietako azpiegitura moderno eta egokiz hornituko da, egungo beharretara egokituta”, azaldu zuen.